Abre Pascal/Francis noutra ventana para traballar con este tutorial.
Imos practicar unha busca con operadores booleanos "a ritmo de hip-hop".
E ímolo facer en Pascal/Francis, o recurso que tes aberto na pantalla da dereita.
Se queres ver mellor unha imaxe, sitúate sobre ela e fai clic para aumentala.
Para moverte polo titorial utiliza as frechas inferiores.
O primeiro, un repaso aos operadores booleanos.
Dúas das manifestacións da cultura hip-hop son os graffiti e o rap. Imos practicar utilizando de forma moi sinxela estes tres conceptos: Hip-hop, graffiti e rap.
Colle o spray que empezamos!!
En principio interésanos buscar documentos que falen sobre graffiti e hip-hop.
Á túa dereita tes aberta a pantalla de busca avanzada de Pascal/Francis. Utilizaremos a opción de busca en "Todos os campos".
Cantos resultados obtés?
Seguimos:
Buscamos documentos que falen de graffiti, pero tamén de hip-hop, así que, imos engadir este concepto á busca que temos empezada:
OLLO!! Cando teñas que volver á pantalla de busca avanzada, fai clic na frecha de retroceso ou selecciona "búsqueda avanzada" no despregable da dereita como mostra a imaxe seguinte.
Observa os resultados. Que ocorre?
Seguimos probando:
Agora, decidimos que non queremos documentos que falen dos dous conceptos, senón dun ou do outro, de graffiti ou de hip-hop, válennos os dous termos.
Imos ver que atopamos sobre Graffiti ou Hip-hop
Cambian?
Quizais che sorprenda saber que considérase que xa existían graffiti na Antiga Roma.
Inscricións con mensaxes ou debuxos políticos, propagandísticos, sexuais, filosóficos..., acusacións, insultos, maleficios... ou o clásico "Fulanito estivo aquí" (en latín, claro) enchen moitas das paredes de lugares como Pompeia.
E se quixeramos buscar información sobre Graffiti, pero que non teñan relación co movemento Hip-hop?. Pois nada, eliminamos o hip-hop e listo!.
Proba a facelo: Graffiti, pero non Hip-hop
Cal destas sería a busca correcta para recuperar documentos sobre o graffiti que non teñan que ver con o Hip-hop?
Entre os resultados está o título "Pompéi, cité du plaisir: l'expression par les graffitis".
Podes dicir o seu autor?
Os operadores booleanos son menos complexos do que parece. Uns termos de busca ben seleccionados, unidos cos operadores axeitados facilitarán que os resultados das túas buscas sexan moito máis adecuados.
É cuestión de probar e probar...
E xa sabes, para calquera dúbida, consulta á Biblioteca.