Partindo de imaxinarnos unha situación ficticia, imos facer unhas prácticas sinxelas en Perseo, o Buscador da Biblioteca, que xa tes aberto na pantalla da dereita.
Se queres ver mellor unha imaxe, sitúate sobre ela e fai clic para aumentala.
Para navegar polo titorial utiliza as frechas inferiores
Imos aló!
Imaxinemos que es estudante de primeiro do Grao en Ciencias da Actividade Física e do Deporte e queres buscar información sobre Biomecánica para preparar mellor unha das túas materias de clase.
Entra en Perseo e escribe a palabra Biomecánica na caixa de busca simple.
Cantos resultados recuperas?
Si, son moitísimos resultados!
Entre eles hai artigos, libros de investigación en inglés, teses de doutoramento, actas de congresos...
- Pero se ti só precisas un manual!
Ti o que buscas é un manual, escrito en español, de recente publicación e, a ser posible, que podas consultar xa nalgunha Biblioteca do Campus de Vigo.
Imos ver como arreglar isto. Imos traballar cos resultados.
Para limitar os resultados a o que ti realmente necesitas empregaremos os Filtros de Perseo.
Na columna situada á esquerda dos resultados, baixo “Filtrar resultados”, están os filtros que permiten ordenalos e refinalos por diferentes criterios como “Dispoñibilidade”, “Biblioteca”, “Tipo de recurso”, “Autoría”, “Data”, “Materia” etc.
Podes velos?
Deste xeito poderás chegar aos resultados que máis se aproximen ao que che interesa. Imos ver algúns deles.
Segue estes pasos:
Hai algún libro na Biblioteca Central do Campus de Pontevedra?
Emprega o filtro "Data" para limitar os resultados ás obras publicadas entre o ano 2022 e 2023.
Agora si; agora xa podes recorrer os resultados e seguro que atopas algunha obra axeitada, por exemplo "Biomecánica básica".
Cando facemos unha busca en Perseo e obtemos moitos resultados, podemos reducilos empregando os filtros que nos proporciona o buscador: tipo de recurso, data, idioma, biblioteca na que se atopa...
E para calquera dúbida, contacta coa Biblioteca.